لما تسجل في قائمة الانتظار أو تتواصل معنا، نطلبوا في اسمك ورقم تليفونك (الواتساب). المعلومات هادي نحفظوا فيها في منظومة آمنة ومحدودة الصلاحية، وما نطلبوش في أي معلومات مالية أو شخصية مالهاش لازمة.
الرقم والاسم نستخدموا فيهم فقط باش نبعتولك تحديثات موعد إطلاق المنتجات، عروض الموزعين، ونصائح واقعية لحماية تليفونك. مش حتوصلك منا رسائل مزعجة كل دقيقة، ويوم اللي تبي تطلع، بمسج وحدة ينحذف كل شيء.
نستخدموا في أكواد تتبع بسيطة من منصات زي ميتـا وتيك توك وجوجل. الفائدة منها فقط إننا نوروك فيديوهات تجارب المنتجات الحقيقية لما تفتح حساباتك، وباش نعرفوا شني الصفحات اللي تعجب في الناس في موقعنا ونطوروها.
نحن شركة نبيعوا في باكجات حماية شاشات وكوابل متينة، مش شركة برمجيات تتاجر ببيانات الناس. معلوماتك خط أحمر مش حتنباع، مش حتتشارك، ومش حيشوفها أي طرف تالت برة آكسون. خدمتنا واضحة وقائمة على الصدق من البداية للنهاية.